Heisann! Så hyggeleg at du tek turen innom mi vesle digitale verd. Eg heiter Ola G. Snippen og er ei kreativ potet. Alle seier ein må finne seg ei nisje, men eg nektar å la meg begrense.

Men det er foto, tekstil, skriving, og grafisk design eg driv mest med. Eg har gjeve ut eit par foto-bøker som du kan finne på skrivebordet mitt. I tillegg til fleire små magasin, kalla zines. Tekstilarbeidet har alltid vore ein stor del av livet mitt som resulterte i sovesveis. Merket er ein hyllest til dei handarbeidende kvinnene som oppdrog meg, det naturlege og ekte, og er ein kjærleik til det å kle seg.

Mitt arbeid kjem ofte frå ei undring over kven vi er som menneske, og kva som er meininga med livet. Eg vil kalle meg sjølv ein pessimistisk romantiker som deler impresjonistane sin tanke om at kunst skal være vakkert.

Men det betyr ikkje at eg kan like det ekle innimellom. Eg lar meg fascinere av det ekte, ærlege og ynskjer å skape noko som sett i gong refleksjon.

På denne nettsida finn du portefølja mi, nettbutikken til sovesveis, og på skrivebordet kan du finne tekstar, bøker og zines. Eg håpar du får ei fin tid her inne!

bli betre kjent med Ola på instagram