Bestill eit handskrive brev til deg sjølv eller nokon du tenkjer på. Brevet blir skrive til kvar bestilling og kan innehalde avisutklipp, polaroider eller andre små kunstverk. Prosjektet er ei kunstnarisk-sosial utforsking i mennesket sitt behov for å spreie eigne idear, og kva betydning desse kan ha for mottakaren. Kva du gjer med brevet du mottek, er heilt opp til deg. Du kan dele det i sosiale medier, bruke det som utgongspunkt til ei samtale med folk du er glad i, eller du kan brenne det. Mi makt er å skape brevet, og di makt er kva du vel å gjere med det. Kva vil skje?